"Yaxşı, mən xəstə getmişəm, niyə onda məni aparırdız?"
Natiq Orucov II Qarabağ müharibəsinin könüllü iştirakçısı olub. 2005-ci ildən keçdiyi ilk hərbi xidmət zamanı ağciyərin vərəmi xəstəliyinə yoluxduğunu və sonra tamamilə sağaldığını deyir. Sentyabrda başlayan döyüşlərə qatılan Natiq döyüşlərdən sonra tərxis olunanda onda xəstəliyin yenidən baş qaldırdığını öyrənib. Hərbi hospitala müraciət edib, amma onu mülki xəstəxanalara yönləndiriblər. 1 saylı Vərəm Əleyhinə Dispanserdə isə onu tam müalicə etmədən evə buraxıblar. Müharibə iştirakçısı hazırda YAŞAT fondunun da xidmətindən istifadə edə bilmir. Çünki fond onun Müdafiə Nazirliyinin yaralılar siyahısında olmadığını bildirir. Natiq Orucovsa iddia edir ki, hərbi xidmət zamanı xəstəliyi yenidən baş qaldırsa da, hazırda onu həmin siyahıya əlavə etmirlər.