“Yeni dövlətə dəstək” İctimai Birliyinin sədri Nəbi Qafarovla bağlı sosial şəbəkədə ictimailəşən videoda işə götürmək adı ilə gənc qadını cinsi istismara məruz qoyduğu barədə mediada məlumatlar yayılıb.

KanalS.az-ın məlumatına görə, bundan xəbər tutan kürəkəni onların görüşdüyü məkana daxil olaraq onu döyüb və bunları video qeydə alıb.

Təşkilat üzvləri isə iddia edir ki, görüntülərdə əks olunan qadın təşkilat üzvü Günaydır.

Görüntülərin dörd ay öncəyə aid olduğu iddia edilir.

Məsələ ilə bağlı “Yeni dövlətə dəstək” İctimai Birliyinin sədri Nəbi Qafarov çəkilən video haqqında AzTimes.az-a danışıb. Onun sözlərinə görə, saytlarda yayılan xəbərlər həqiqəti əks etdirmir: “Mən kürəkənim tərəfindən yox, öz muavinimin təşkil etdiyi adamlar tərəfindən döyülmüşəm. Qızımın baldızı ilə eyş-isrət məsələsi tamamilə iftiradır”.

Həmin görüntüləri təqdim edirik:
"Videoda söyüş olduğunu diqqətinizə çatdırırıq!

P.S. Məqalədə qeyd edilən bütün faktlar mediada dərc edilib və təkzib edilməyib. Qarşı tərəf kimi yazıda adı keçən şəxslərin və qurumların mövqeyini dərc etməyə hazırıq.

Mənbə KanalS.az