Yerli sakinlər hüquq-mühafizə orqanlarının işindən narazıdır

Bir qrup Yardımlı sakini adından poçtumuza şikayət göndərilib. Şikayətdə deyilir ki, rayonda narkoticarət geniş yayılıb, hüquq-mühafizə orqanları isə buna qarşı effektif tədbir görmürlər. Sakinlərin iddiasına görə, yerli hüquq-mühafizə orqanları bir qayda olaraq narkotacirlərə toxunmur, narkotik istifadəçilərini həbs etməklə işlərini bitmiş sayır.
Qeyd olunur ki, 2 gün əvvəl rayonda eyni vaxtda bir neçə ünvanda əməliyyat həyata keçirilib, 2 narkotacir və 3 istifadəçi saxlanılıb. Daha 1 narkotacir isə əməliyyatdan xəbər tutaraq qaçıb. Saxlanılan narkotacirlərdən biri də sonradan azad edilib. Sakinlər sual edir ki, əvvəla, qaçan narkotacir əməliyyatdan necə xəbər tutub, ikincisi, saxlanılan o biri narkotacir nədən sərbəst buraxılıb.
Məktubda qeyd edilir ki, narkotacirlərin birindən sərbəst buraxılması üçün 70 min manat alındığı, digər narkotacirin isə 5 min manat rüşvət muqabilində istifadəçi (cəzasını yüngülləşdirmək üçün) kimi rəsmiləşdirildiyi haqda iddialar var.
Sakinlər rayonda narkoticarətə qarşı təsirli tədbilərin görülməsini, narkotacirlərin həbs olunmasını tələb edirlər.
azinfo.tv