“Bazarstore” Məhdud Məsuliyyətli Cəmiyyətinə cərimə yazılıb.

TEREF.AZ lent.az-a istinadən xəbər verir ki, yoxlama zamanı “Bazarstore” supermarketində karantin qaydalarının pozulması aşkarlanıb. Bu səbəblə MMC barəsində İnzibati Xətalar Məcəlləsinin 211.3-cü (Epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə, təkrar törədildikdə) maddəsilə protokol tərtib olunub.

Protokol baxılması üçün Səbail rayon Məhkəməsinə göndərilib. İş hakim Azər Tağıyevin icraatına verilib.

Qeyd edək ki, həmin maddə ilə “Bazarstore”u 400 manat məbləğində cərimə gözləyir.