"Müdafiə Nazirliyi! Ordunun maaşları niyə verilmir? Kimi, yoxsa nəyi gözləyirsiz?".

Bizimxeber.az bildirir ki, bu barədə özünün Facebook sosial səhifəsində Vətən Müharibəsi iştirakçısı, ehtiyyatda olan polkovnik-leytenant Elçin Kərimov (Eldəniz) bildirib.

"Bu kateqoriyadan xidmət edənlər biznesmen deyil, Vətən keşikçiləridir. Onların maaşları 1 gün gecikəndə belə ailələri ac qalır. "Əziz" biznesmen məmurlar! Nəyi hesablayıb bölə bilmirsiz? Bu ölkədə ilk maaşlarını alacaq şəxslər onlardı, axırıncı yox. Qarnınız tox, kefinizi çağdı, heç Ordu yadınıza düşmür deyəsən...".-deyə polkovnik-leytenant deyib.