Bu ilin ilk beş ayında Azərbaycan əhalisi avtomobil benzini və dizel yanacağına 1 milyard 251,7 milyon manat pul xərcləyib. Bu dövr ərzində alıcıların pərakəndə ticarət şəbəkəsində aldıqları mallara xərclədiyi vəsaitin 5,8 faizi avtomobil benzini və dizel yanacağının alınmasına sərf olunub.

Azərbaycan əhalisi hər il avtomobil benzini və dizel yanacağı nə qədər pul xərcləyir?

2023-cü ildə Azərbaycan əhalisi avtomobil benzini və dizel yanacağına 3 milyard 63,4 milyon manat xərcləyib ki, bu da, vətəndaşların pərakəndə ticarət şəbəkəsində aldıqları mallara xərclədiyi vəsaitin 5,2 faizini təşkil edib.

2022-ci ildə Azərbaycan əhalisi avtomobil benzini və dizel yanacağına 2 milyard 768,7 milyon manat xərcləyib. Bu, vətəndaşların pərakəndə ticarət şəbəkəsində aldıqları mallara xərclədiyi vəsaitin 5,3 faizini təşkil edib.

2021-ci ildə pərakəndə ticarət şəbəkəsində istehlakçılara 2 milyard 494,3 milyon manatlıq avtomobil benzini və dizel yanacağı satılıb. Bu, vətəndaşların pərakəndə ticarət şəbəkəsində aldıqları mallara xərclədiyi vəsaitin 5,6 faizini təşkil edib.

2020-ci ildə Azərbaycan avtomobil benzini və dizel yanacağına 2 milyard 40 milyon manat xərcləyib. Bu, vətəndaşların pərakəndə ticarət şəbəkəsində aldıqları mallara xərclədiyi vəsaitin 5,1 faizini təşkil edib.

2019-cu ildə Azərbaycan əhalisi avtomobil benzini və dizel yanacağına 2 milyard 310,5 milyon manat xərcləyib ki, bu da, vətəndaşların pərakəndə ticarət şəbəkəsində aldıqları mallara xərclədiyi vəsaitin 5,9 faizini təşkil edib.