Ötən gün RİNN yanında İnformasiya Kommunikasiya Texnologiyaları Agentliyi maraqlı bir açıqlama yayıb. Yeri gəlmişkən, bu çox yaxşı haldır ki, İKTA zaman -zaman bu tip açıqlamalar verir.
Bu dəfə qurum cari ildə öz səlahiyyətləri çərçivəsində verilən icazələr haqqında məlumat açıqlayıb. İKTA ölkədaxili telekommunikasiya kanallarının təşkili üzrə 2 müraciətə baxıldığını onlardan birinə müsəbət cavab verildiyini açıqlayıb.
Rabitə və informasiya texnologiyaları sahəsində lisenziyaların verilməsi haqqında qanunvericiliyə görə lisenziyalar İqtisadiyyat Nazirliyi tərəfindən “ASAN xidmət” mərkəzlərində verilir.
Amma İKT sahəsində tənzimləyici qurum da telekommunikasiya operatoru lisenziyası üçün müraciət edən quruma öz səlahiyyətləri çərçivəsində rəy verir.
Beləliklə, məlum olur ki, İKTA bazara yeni bir telekommunikasiya operatorunun daxil olmasına müsbət rəy verib.
Görəsən hansı qurumdur, kimdir bu ?
Təəssüf ki, İKTA bu haqda açıqlama verməyib.
Xatırladıram ki, hazırda ölkədə cəmi 5 qurumda telekommunikasiya operatoru lisenziyası var:
1. Aztelekom
2. AzerTelecom
3. Baktelecom(AzEurotel -də bu qurumun tərkibindədir)
4. DeltaTelecom
5. Ultel
Görəsən 6-cı telekommunikasiya operatoru kimdir ?
Osman Gunduz
TEREF