Görünür ki , Azərbaycanda vençur bazarının regionda ən aşağı yerlərdə olması ciddi narahatçılıq doğuran bir məsələyə çevrilib .
İqtisadiyyat naziri Mikayıl Cabbarov bu gün keçirilən Baku ID festivalında startapların və ya tənzimləyicilərin üzləşdiyi problemlər haqqında danışdı və bunların qanunvericilikdəki boşluqlardan irəli gəldiyini bildirdi.
Nazir də vençur kapitalın cəlbi ilə bağlı işlərin görülməsinin zəruriliyini qeyd etdi.
SABAH.HUB isə qarşıdakı dövrdə 25 milyonluq vençur fond formalaşdıracaqlarını bildirdi.
Reallaşdıra bilsələr ekosistemə ciddi dəstək olardı .
Ona görə "reallaşdıra bilsələr" qeyd edirəm ki, RİNN və Pasha Holdingin birgə yaratdığı , hələlik ölkədə yeganə olan Caucasus Ventures fondu böhranlı vəziyyətdədir.
Cənab Nazirin tədbirdə qeyd etdiyi kimi "qanunvericilikdəki boşluqlar" səbəbindən Mərkəzi Bank yeganə vençur fondumuzun bank hesablarını bloklayıb.
Ümid edirəm ekosistemin inkişafına cavabdeh olan RİNN, İN və ASAN bir məxrəcə gəlib vençur maliyyələşmə ilə bağlı cəmi 7 bəndlik qanunun qəbuluna nail ola biləcəklər.
Osman Gunduz
TEREF