Belə davam edə bilməz. vətəndaşlar övladlarına toy etməkdə çəkinir.

Vizual.Az xəbər verir ki, bu sözləri Milli Məclisin üzvü Məlahət İbrahimqızı toylarda davam edən israfçılığa münasibət bildirərkən deyib.

Onun sözlərinə görə, sözügedən problem yas mərasimlərində aradan qaldırılsa da, toylarda dəyişiklik olmayıb:

"İnsanlar hansı şadlıq evinə üz tutursa, eyni vəziyyətlə qarşılaşır. Çox şükür ki, yas mərasimləri tənzimləndi. Buna nəzarət edən yoxdur. Xalq özü nəzarət edir. Toylara da bunu şamil etmək lazımdır”.

Qeyd edək ki, şadlıq sarayları müştərilərin öz büdcələrinə uyğun menyu seçməsinə imkan vermir. Toy sahibinə standart menyu təqdim edilir, masaya oxşar salat və isti yeməkləri düzməklə qiyməti şişirdirlər.

Xəzər xəbər-in məlumatına görə, "Toy mərasimləri haqqında” qanunun qəbulu uzun müddətdir müzakirə mövzusu olsa da, hələ ki, belə bir sənədi qəbul etmək mümkün olmayıb.