Qorxduğumuz başımıza gəldi. Deyirdik ki, dərs ilinin başlaması ilə əlaqədar yollarda hərəkət intensivliyi və təhlükə artacaq, ehtiyatlı olmaq lazımdır.
teref.az ATV.az-a istinadən bildirir ki, Xaçmazda 13, Ağdamda isə 6 yaşlı məktəblinin avtomobillə vurulması göstərdi ki, ehtiyatlı ola bilməmişik. Bəs problemin kökündə dayanan nədir, nəzarətsiz azyaşlı, məsuliyyətsiz sürücü, yoxsa məktəb qarşısında yoxa çıxan piyada zolaqları?
Mövcud durum məktəb kollektivini də narahat edir. Hətta şagirdlərin dərs sonrası gediş-gəlişinə nəzarət etmək üçün bəzi məktəblərdə xüsusi kameralar da quraşdırılıb. Bakı Şəhər Dövlət Yol Polisi İdarəsindən bildirirlər ki, son 8 ayda qeydə alınan statistika təbliğatın daha da güclənməsinin zəruriliyini gündəmə gətirir
Qeyd edək ki, paytaxt üzrə 350-ə yaxın təhsil müəssəsindən 70-nin ətrafında yol polisi gündəlik olaraq təhlükəsizlik tədbirləri aparır.
[media=https://www.youtube.com/watch?v=QaekYh21qkg]