Son günlərdə Azərbaycanda inflyasiyanın sürətlə artacağı ilə bağlı məlumatlar yayılıb.

Bu proqnozlar cəmiyyətdə təşvişə səbəb olub. Səbəb isə inflyasiyanın sürətlənəcəyi təqdirdə ölkədə qiymətlərin artmasının gözlənilməsi gerçəyidir.

Bəs bu, həqiqətə uyğundurmu? İnflyasiya artması iqtisadiyyata necə təsir edəcək?
Hüquqşünas, iqtisadçı-ekspert Əkrəm Həsənov “Referans”-a açıqlamasında bu sualları cavablandırıb.

“Mərkəzi Bankın proqnozuna görə, 2025-ci ildə inflyasiya 5.5 faizi ötməyəcək. Bu, bütün il üçün olan hesablamadır. 2025-ci ilin başlamasında hələ ki 3 ay keçməyiv və elə də ciddi artım müşahidə olunmur. Düzdür, Tarif Şurası müəyyən qiymətləri artırıb, nisbətən artım. Lakin bu artım inflyasiyanın sürətlənəcəyini deməyə əsas vermir”.