Avropa İttifaqı Rusiyaya qarşı sanksiyaları gücləndirməyə davam edəcək və diplomatik səylərdən asılı olmayaraq, sentyabrın əvvəlində 19-cu paketi qəbul etmək niyyətindədir.

Bunu Avropa Komissiyasının sədri Ursula fon der Lyayen Brüsseldə Ukrayna Prezidenti Volodimir Zelenski ilə birgə keçirdiyi mətbuat konfransında deyib.

"Hərbi əməliyyatlar davam etdiyi müddətdə biz Rusiyaya diplomatik və iqtisadi təzyiq göstərməyə davam edəcəyik. Biz artıq sentyabrın əvvəlində 19-cu sanksiyalar paketini qəbul etmək niyyətindəyik. Aİ

Ukraynada siyasi nizamlanmadan öncə atəşkəsin bərqərar olmasının tərəfdarıdır. Siyasi nizamlanma isə Ukraynanın ərazi bütövlüyü çərçivəsində olmalıdır", - o bildirib.