Haradakı ləzgilər çətin vəziyyətdədir: Azərbaycandakı, yoxsa Dağıstandakı?

Kremlin təbliğatı Azərbaycanın uğurlarına nifrət yağdırmaqda davam edir. Belə ki, impotent qəzəb içində məşhur təbliğatçı Vladimir Solovyov qəfildən Azərbaycanda yaşayan ləzgiləri xatırladı. O qeyd edib ki, Azərbaycanın Rusiya ilə həmsərhəd ərazilərində yaşayan ləzgilər Rusiyadan fərqli olaraq Dağıstan ləzgilərinə Bakı tərəfindən “əlverişsiz münasibət” yaşayır.

"Biz Azərbaycan ləzgilərinin hüquqları uğrunda mübarizə apara və onların hərəkatına dəstək verə bilərik, çünki onlar orada çox çətin vəziyyətdədirlər. Ümumiyyətlə, kim deyib ki, Azərbaycan birdir? Kim deyib ki, Azərbaycanın sərhədləri dəyişməzdir. Dünyada dövlətin sərhədlərinin dəyişməz olması barədə deyilənlər yanlışdır və bu, istənilən dövlətə aiddir", - Solovyov bildirib.

Solovyova Rusiyanın özünün təkcə ləzgilərə deyil, Dağıstanda və Rusiyanın digər regionlarında yaşayan bütün xalqlara münasibətinin necə olmasını xatırlatmaq istərdim. Dağıstan Rusiyanın ən kasıb bölgələrindən biridir, xüsusən də gənclər arasında işsizlik səviyyəsi yüksəkdir. Son bir neçə ildə Dağıstan sakinləri elektrik və suyun kəsilməsi səbəbindən mütəmadi olaraq etiraz aksiyalarına çıxırlar. Belə aksiyalar zamanı etirazçılar tez-tez magistral yolları bağlayırlar. Yeri gəlmişkən, bu günlərdə Mahaçqala sakinləri elektrik və suyun daimi kəsilməsi səbəbindən küçələrə axışıblar. Onlar üçün bu, səhlənkar orqanların diqqətini gündəmdə yığılan, lakin həllini tapmayan problemlərinə cəlb etməyin yeganə yoludur. Bəs haradakı ləzgilər vəziyyətdədir: Azərbaycandakı, yoxsa Dağıstandakı ləzgilər?

Nümunə olaraq, əksəriyyəti milliyyətcə ləzgi olan Azərbaycanın məşhur bloqçularını göstərəcəm. Onların videolarına milyonlarla baxış var, amma heç biri Azərbaycanda “ləzgilərin ağır vəziyyəti”ndən danışmır, çünki yoxdur. Azərbaycanda ləzgilərin iqtisadi və mədəni inkişaf səviyyəsi onların Dağıstandan olan soydaşlarından qat-qat yüksəkdir.

Amma Solovyov azərbaycanlıların da yaşadığı, yerli əhali statusuna malik Dağıstanın özünün sosial problemlərindən çox, Azərbaycanda ləzgilərə qarşı “mənfi münasibət”dən danışmağa üstünlük verir. Onda bəlkə Azərbaycan çətin vəziyyətə düşmüş soydaşlarına dəstək olmalıdır? Axı əgər Solovyov ləzgilərlə o qədər maraqlanır, amma onların Dağıstandakı problemlərinə məhəl qoymursa, bəlkə Azərbaycan bu prosesə müdaxilə etməlidir? Xüsusən də Solovyovun özü “dünyada dövlətin sərhədlərindən qeyri-sabit heç nə yoxdur və bu, istənilən dövlətə aiddir” dediyinə görə?

Kreml təbliğatçılarının maraqlı bir məntiqi var ki, onlar çaşqındırlar və hər şeyi qarışdıra bilirlər. Bəlkə Solovyov dağıstanlıları necə təhqir etdiyini unudub, onları “aerodromlara hücum edən mütəxəssis” adlandırıb, 2023-cü il oktyabrın 29-da Mahaçqala hava limanında antisemitizm iğtişaşlarına eyham vurub. İndi də guya ləzgilərin hüquqlarını müdafiə edir.

Amma gəlin Solovyovun Rusiyanın təkcə bütün qonşu dövlətlərə deyil, həm də hakimiyyətin korrupsiyasından əziyyət çəkən öz regionlarının əhalisinə qarşı siyasətinin mahiyyətini açan təxribatçı bəyanatlarına təslim olmayaq. Solovyovun məntiqinə görə, bütün bunlarda yalnız Azərbaycan günahkardır. Tamamilə mümkündür ki, o Rusiyanın Ukraynaya qarşı müharibədəki hərbi uğursuzluqlarında Azərbaycanı da günahkar tapsın.

Müəllif: Aqil Qəhrəmanov

Xüsusi olaraq AYNA.AZ üçün.

Müəllif: Ayna.az