Azərbaycan nominal ÜDM-nə görə MDB-də 5-ci olub
Dünən, 16:44
2024-cü ilin yekunlarına görə, Azərbaycan ümumi daxili məhsulun (ÜDM) nominal dəyərinə görə MDB ölkələri arasında 5-ci yeri tutub.
MDB-nin Dövlətlərarası Statistika Komitəsinin hesabatına istinadən xəbər verir ki, ötən il Azərbaycanın nominal ÜDM-i 74,315 milyard ABŞ dolları dəyərində olub ki, bu da əvvəlki illə müqayisədə 4,1 % artım deməkdir.
Azərbaycan MDB ölkələri arasında nominal ÜDM-nə görə Ermənistan, Qırğızıstan, Tacikistan və Moldovanı qabaqlayıb.
Ötən il MDB-də nominal ÜDM göstəricisinə görə ilk beşliyə Rusiya – 2,16 milyard ABŞ dolları (+4,1 %), Qazaxıstan – 288,112 milyard ABŞ dolları (+4,8 %), Özbəkistan – 114,9 milyard ABŞ dolları (+6,5 %) və Belarus – 79,09 milyard ABŞ dolları (+4 %) daxil olub.
Azərbaycanı xeyli fərqlə Ermənistan 25,8 milyard ABŞ dolları nominal ÜDM həcmi ilə (+5,9 %), Qırğızıstan – 17,2 milyard ABŞ dolları (+9 %), Tacikistan – 13,7 milyard ABŞ dolları (+8,4 %) və Moldova – 12,9 milyard ABŞ dolları (+0,6 %) izləyir.
