Qlobal iqtisadiyyatda olan qeyri-müəyyənliklər olmasaydı, uçot dərəcəsini endirmək istəyirdik.

Bu sözləri Mərkəzi Bankın sədri Taleh Kazımov deyib.

İqtisadçı-ekspert Əkrəm Həsənov “Referans”-a açıqlamasında dünya iqtisadiyyatında sözügedən qeyri-müəyyənliklərin Azərbaycan iqtisadiyyatına olacaq təsirindən danışıb.

“Bu qeyri-müəyyənliklər daha çox ABŞ siyasəti ilə bağlıdır. Yəni Donald Trampın dünyada tarıfləri qaldırması, rüsumların tez-tez dəyişməsi faktikiolaraq bütün dünya ilə ticarət mühariəsinin başlamasına gətirib çıxardı. Bu müharibə başladı amma sonra bunu dayandırdı. Elə bu özü də qeyri-müəyyənlikdir. Bunu davam etdirəcək ya yox, hələ ki aydın məsələlər deyil. Mərkəzi Bankın nəzərdə tutduğu qeyri-müəyyənliklər bunlardır. Buna görə də uçot dərəcəsini hələ ki sabit saxlayır. Gələcəkdə dünya iqtisadiyyatının axarında nələr baş verəcəksə, yəqin ki, Mərkəzi Bank da bunlara əsasən, yeni qərarlar verəcək”.