Nazirlər Kabineti 9 ay müddətində yerli və xarici ekspertləri, habelə beynəlxalq məsləhətçi şirkətləri cəlb etməklə elektrik qurğularının quraşdırılması, elektrik və istilik qurğularının texniki istismarı və elektrik və istilik qurğularının istismarında təhlükəsizlik texnikası qaydalarını müəyyən edəcək.



APA-nın məlumatına görə, bu, Azərbaycan prezidenti İlham Əliyevin “Elektrik və istilik enerjisi, habelə qaz təchizatı sahəsində nəzarətin həyata keçirilməsi Qaydası”nın təsdiq edilməsi haqqında 16 iyul 2018-ci il tarixli fərmanında əksini tapıb.



Nazirlər Kabineti bu müddət ərzində elektrik və istilik enerjisi, habelə qaz təchizatı sahəsində payız-qış mövsümünə hazırlıq işlərinin aparılması və yanacaq ehtiyatının maliyyələşdirilməsi, yaradılması, qorunması, istifadəsi, həcmi və uçotunun həyata keçirilməsi qaydasını da müəyyən etməlidir.