Rusiyalı məşhur müğənni Leonid Aqutin Rusiya-Ukrayna müharibəsindən yazıb.

BAKU.WS xəbər verir ki, sənətçi hər gün müharibədə ölənlərin sayının artdığını deyib. Qan tökülməsinin səbəbkarını açıqlamayan Aqutin, Rusiyanı da təcavüzkar adlandırmayıb:

"6 gündür qorxu və çaşqınlıq içindəyəm. Dəhşətli faciədən 6 gün ötür. Allah görür, hər zaman vətənpərvər insan olmuşam. Nə siyasi şüarlar səsləndirmək, nə də vəziyyəti təhlil etmək fikrindəyəm.

Dua edirəm - müharibəni dayandırın! Razılaşın! Hər gün uşaqlarımız, Ukrayna vətəndaşları ölür, hər iki tərəfdən milyonlarla bədbəxt olan talelər, onların ağrıları və qorxuları var. Bu hadisənin bütün iştirakçıları siyasi ambisiyalarının başqa üsulunu tapmalıdır".