37 yaşlı supermodel İrina Şeyk Paris küçələrində gəzişib. O, müvafiq şəkilləri sosial şəbəkədə paylaşıb.

Şeyk artıq bir neçə həftədir ki, Fransa paytaxtında vaxt keçirir. Supermodel Yüksək Moda Həftəsi çərçivəsində şoularda iştirak edir.

O, yeni fotolarında Parisdə gecə gəzintisi üçün imicini nümayiş etdirib. İrina Şeyk qara dəri paltoda və qar kimi ağ köynəkdə poza verib.

Qeyd edək ki, hazırda model beş yaşlı qızı Lianı aktyor Bredli Kuperlə birgə böyüdür. Onlar 2019-cu ildə ayrılsalar da, uşağın birgə qəyyumluğu haqqında razılığa gəliblər. Hazırda keçmiş sevgililərin yenidən bir araya gəldikləri bildirilir.