Amerikalı müğənni Madonna xəstəliyi səbəbindən təxirə salınan “The Celebration” yubiley turunun yeni tarixlərini açıqlayıb.

İfaçının rəsmi saytı xəbər verir ki, ilk tamaşa oktyabrın 14-də Londonda baş tutacaq.

“The Celebration” turu rəsmi olaraq oktyabr ayında Londonda dörd anşlaq şou ilə başlayacaq. Ardınca Belçika, Danimarka, İsveç, İspaniya, Portuqaliya, Fransa, Almaniya, İtaliya və Niderlandda çıxışları olacaq”, - xəbərdə bildirilir.

Avropa mərhələsindən əvvəl nəzərdə tutulan turun Şimali Amerika mərhələsi dekabrın 13-də Bruklində başlayacaq. ABŞ-nin bir neçə şəhərində konsertlər başqa tarixə keçirilə bilinmədiyi üçün ləğv edilib.
Xatırladaq ki, iyunun sonunda Madonna bakterial infeksiyaya yoluxmuş, xəstəxanaya yerləşdirilmişdi.

Mənbə: TASS