Aparıcı Elgiz Əkbər "Turkish Airlines" Hava Yollarına məxsus təyyarədə Türkiyənin məşhur ulduzu Əmrah İpəklə üz-üzə gəlib.

Publika.az xəbər verir ki, televiziya ulduzu təyyarədən enməyi gözləyərkən türk ifaçı gözündə eynək, əlində çantası ilə çıxışa doğru gedib. Həmin anları lentə alan Elgiz bildirib ki, Əmrah təyyarənin "biznes" sinifi ilə deyil, sadə vətəndaşlar kimi "ekonom" sinfindən istifadə edib:

"Türkiyənin məşhur ulduzu Əmrah "biznes"lə deyil, "ekonom"la uçur. Bəzi görməmişlərə demək istəyirəm ki, həddinizi bilin və "ekonom"la uçmaq o qədər də ayıb deyil. Ayıb, cəmiyyət arasında özünü apara bilməyib, ağzının danışığını bilməyənlərədir".

Aparıcı daha sonra taxdığı böyük ölçülü eynəyinə lağ edənlərə də sərt şəkildə cavab verib:

"Təyyarədə eynək taxmaq normal haldır. Nə deyim vallah?" (Bizim.Media)