Böyük Britaniyanın vəliəhd şahzadəsi Harrinin həyat yoldaşı, keçmiş aktrisa Meqan Markl yeni instaqram hesabı açıb.

“Qafqazinfo” Türkiyə mətbuatına istinadən xəbər verir ki, o, “meghan” adlı hesabının profilinə peoniya fotosu qoyub.

Məlumata görə, bu, Meqanın sevimli çiçəkləridir. Heç kəsi izləməyən Meqanın artıq minlərlə izləyicisi var.

“Daily Mail”in xəbərinə görə, M. Marklın səhifəsində 1 reklam paylaşımının qiyməti 1 milyon dollar (1,7 milyon manat) olacaq.

Qeyd edək ki, 2018-ci ilin mayında ailə həyatı quran Harri və Meqan “sussexroyal” adlı ortaq hesabdan istifadə edirdilər. Lakin daha sonra M. Marklın bütün sosial şəbəkə hesabları onun saray gəlini olması səbəbindən bağlanmışdı. Cütlük 2020-ci ilin yanvarında kral ailəsini tərk etdikdən sonra müstəqil yaşamaq üçün Cənubi Kaliforniyaya (ABŞ) köçüb.