Ermənistanın paytaxtı İrəvanda konsert verməyə hazırlaşan amerikalı reper Snup Doq əslində “Artsax”ı yox, Puşkin küçəsini işarələyib.

TEREF.AZ Ölkə.Az-a istinadla xəbər verir ki, “Meta” şirkəti “Artsax”ı tanımadığı üçün İrəvanda Puşkin küçəsində “Artsax” adlı obyekt görünür.

Reperin izləyiciləri işarələnmiş yerə tıklayanda məhz bu obyekti görür.

Ermənilər belə addım atmaqla sadəcə özlərini aldadırlar. Çünki onlar “Artsax” istəyirlərsə, bunu yalnız öz ərazilərində yarada bilərlər.

Qeyd edək ki, 23 sentyabrda Ermənistanın paytaxtı İrəvanda konsert verməyə hazırlaşan Snup Doq bundan əvvəl instaqram səhifəsində “Artsax” adlı yeri “check in” etməsi sosial şəbəkələrin Azərbaycan seqmentində kəskin narazılıqla qarşılanmışdı.