Azərbaycanəsilli rusiyalı şoumen və müğənni Timur Rodriqes həyat yoldaşı Anna Devoçkinadan ayrıldığını açıqlayıb.

Bu barədə o, sosial şəbəkələrdəki səhifəsində məlumat verib.

Rodriqesin sözlərinə görə, ayrılığa baxmayaraq, onlar həmişə övladlarını sevən valideynlər olacaqlar.

“Anya və mən artıq bir yerdə deyilik. Amma biz həmişə övladlarımızı dəlicəsinə sevən valideynlər olaraq qalacağıq”, - sənətçi yazıb.
Rodriqes onu da əlavə edib ki, söz-söhbətlərə yol verməmək üçün ayrılmaları haqqında danışmaq qərarına gəlib.

Xatırladaq ki, cütlük 16 il evli olub. Onların iki övladı var - oğulları Migel və Daniel.