Aşıq Zülfiyyə İbadova açıqlaması ilə diqqətləri üzərinə cəmləyib.

Sənətçi müğənni oğlu Babəklə qonaq olduğu “Rəngarəng səhər” verilişində qazandığı pullardan danışıb.

Aşıq bildirib ki, toylardan və məclislərdən qazandığı qonorarı əlində saxlamır:

“Mən evdə çox tapılmıram. Evdə çox pul saxlamıram. Əlimdə pul varsa, onu banka qoyuram və nəsə bir şeylər alıram”.

Zülfiyyənin oğlu Babək isə pulla bağlı bunları söyləyib:

“Hazırda öz evimi təmir edirəm. Bir otağın təmirini yekunlaşdırıb, digərinə keçirəm. Pulların əksəriyyətini də indi təmirə xərcləyirəm. Toylardan qazandığım pulu isə evdə saxlayıram. Kassada, yoxsa yorğan-döşək altında, onu artıq mən bilirəm. Üzərimdə pul gəzdirmirəm”.