Məşhur Ceyms Bond seriyalı filmlərindən biri olan və 1964-cü il çəkilən “Goldfinger” filmi üçün xüsusi olaraq istehsal olunmuş Aston Martin markalı avtomobil satışa çıxarılır.

“Tendensiya.com” xarici KİV-ə istinadən xəbər verir ki, 1963-cü il istehsalı olan Aston Martin DB5 avtomobilinin aprelin 20-də satışa çıxarılması planlaşdırılır.

Avtomobilin işlək vəziyyətdə olduğu və “Goldfinger” filmindən sonra 2012-ci ildə çəkilən “Skyfall”da da istifadə edildiyi bildirilir.

Aston Martinin hərracda 400-600 min dollar aralığında satılacağı proqnozlaşdırılır.

Avtomobil satılmazdan öncə son dəfə 27 fevral-3 mart tarixlərində Los-Ancelesdəki “Christie`s showroom”da sərgilənəcək.