ABŞ-ın Aşqabaddakı səfirliyi bildirib ki, Türkmənistan hökuməti xarici vətəndaşların ölkəyə daxil olması üçün yeni qaydalar tətbiq edib.

KONKRET.az-ın Mərkəzi Asiya ölkələri üzrə bürosu xəbər verir ki, bu haqda məlumatı “Türkmənistan xronikası” nəşri yayıb.

Martın 17-dən etibarən Türkmənistana baş çəkmək istəyənlərin özlərində koronavirus olmadığını təsdiqləyən bir sertifikat olmalıdır. Bu yaxınlarda COVID-19 virusunun aşkarlandığı ölkələrə səfər edənlər girişdə tibbi müayinədən keçməli, virus aşkar edilərsə ölkədən çıxarılmalı və ya 24 günə qədər karantində saxlanılmalıdır.

Testlərin və karantin xərclərinin dəyəri ən azı 300 dollardır. Türkmənistana girən şəxs haqqı nağd şəkildə ödəməlidir.

Özbəkistan Xarici İşlər Nazirliyi də yeni tələbləri açıqlayıb.

6 mart tarixindən etibarən Türkmənistan-Özbəkistan sərhədini bütün ölkələrin vətəndaşları yalnız “Olat-Farap avtomobil yolu” keçid məntəqəsindən keçə bilər.

Türkmənistan ərazisinə daxil olmaq üçün koronavirusun olmaması barədə bir sertifikat təqdim etməlisiniz.