Türkiyədə daha 96 nəfər koronavirusdan ölüb.

Yenisabah.az xəbər verir ki, bu barədə ölkənin səhiyyə naziri Fahrettin Koca məlumat verib.

Nazir bildirib ki, ölkədə koronavirusdan ölənlərin ümumi sayı 908 nəfərə çatıb.

O, bu gün 28 578 test keçirildiyini, 4 056 yeni yoluxma aşkarlandığını və yoluxanların ümumi sayı 42 282 nəfərə çatdığını qeyd edib.

Nazirin sözlərinə görə xəstəliyə qalib gələnlərin ümumi sayı 2 142 nəfərdir. Bu gün 296 xəstə koronavirusdan sağalıb.