Türkiyə yeni növ koronavirusun yayılması səbəbilə Almaniyada yaşayan 238 vətəndaşını təxliyə edib.

Trend-in Türkiyə KİV-lərinə istinadən verdiyi məlumata görə, hava əlaqəsinə tətbiq edilən məhdudiyyətlərlə əlaqədar Türkiyə hökuməti 539 vətəndaşının Almaniya və İspaniyadan təxliyəsini təşkil edir.

Türkiyə vətəndaşlarını daşıyan ilk təyyarə Frankfrutdan hava qalxıb və Samsun şəhərinin hava limanında eniş edib. Təyyarədə olan 238 nəfər tibbi müayinədən keçirilib. Qızdırması olan vətəndaşlar şəhərin xəstəxanaların yerləşdirilib, digərləri isə xüsusi avtobusla 14 günlük karantin müddətini keçirəcəkləri Sinopa aparılıblar.

Qeyd edilir ki, İspaniyada yaşayan Türkiyə vətəndaşlarını təxliyə edəcək təyyarə bir neçə saat ərzində havaya qalxacaq.