Türkiyə Aralıq dənizində geoloji-kəşfiyyat işlərinə dair planından imtina etməyəcək. Bu barədə Türkiyə Prezidenti Rəcəb Tayyib Ərdoğan bəyan edib.

Dövlət başçısının sözlərinə görə, uyğun işləri həyata keçirən «Oruc Reis» gəmisi öz fəaliyyətini avqustun 23-nə qədər davam etdirəcək. Ərdoğanın dəqiqləşdirdiyi kimi, Ankara ixtiyari təxribata, o cümlədən, təhdidlərə və sanksiyalara dərhal cavab verəcək.

Prezident qeyd edib ki, öz növbəsində, Türkiyə ümid edir ki, Yunanıstan sağlam məntiqdən çıxış edəcək. Ərdoğan Türkiyənin hərəkətlərini beynəlxaq hüquq nöqteyi-nəzərindən tam haqlı adlandırıb.

Xatırladaq ki, avqustda Türkiyənin «Barbaros Xeyrəddin» qazma gəmisi Aralıq dənizində geoloji-kəşfiyyat işlərini bərpa edib. Bundan əlavə, Türkiyənin Antalya limanından «Oruc Reis» gəmisi də əraziyə yola düşüb.

Yunanıstan isə Türkiyədən tələb edib ki, gəmilərini sözügedən rayondan çıxartsın.

AzPolitika.info