İstanbulda yaşayan 22 yaşlı Ceyda Yüksel "Facebook"da 41 yaşlı İzmir sakini Serkan Dindar ilə tanış olub.

Publika.az Türkiyə mətbuatına istinadla xəbər verir ki, bu tanışlıq sonradan dəhşətli cinayətə səbəb olub.

Belə ki, gənc qızı Çamdibində yaşadığı evə dəvət edən Dindar ona şərab qonaqlığı verib. Aradan bir müddət keçəndən sonra aralarında mübahisə yaranıb.

Bu zaman evdən qışqırtı və şüşə qırılma səsləri eşidən məhəllə sakinləri polisə zəng ediblər.

Evə gələn polis əməkdaşları Yükselin cansız bədənini tapıblar. Onun bədənində çox sayda şüşə kəsikləri aşkarlanıb. Həmçinin bir qolunun qopduğu müəyyən edilib.