"Qara dənizdə 9 qazma-axtarış fəaliyyətindən sonra, Türkiyənin bu günə qədər təsbit etdiyi ən böyük qaz rezervini kəşf etdik."

Avropa.info xəbər verir ki, bu sözləri Türkiyə prezidenti Rəcəb Tayyib Ərdoğan ölkəsinin Qara dənizdə kəşf etdiyi 320 milyard kubmetr təbii qazdan danışarkən deyib. Ərdoğan, kəşf edilən təbii qazın başlanğıc olduğunu bildirib.

"Təsbit edilən qaz rezervinin daha böyük bir qaynağın ilk xəbərçisi olduğuna dair dəlillər var. İnşallah bu müjdənin davamı gələcək. Tək qaz kəşf edilən quyu deyil, bu quyuların sayı 2,3,4 davam edəcək. Bu quyuların sayı çox olunca, oradakı ümidlərimiz də artır. Kəşf edilən qaz 2023-cü ildə millətimizin xidmətinə veriləcək. Önümüzdəki müddətdə Aralıq dənizində də bənzər müjdələr alacağımıza ümid edirik. Allahın izni ilə Türkiyənin önündə yeni bir dönəm açılacaq."