Şərqi Aralıq dənizində durum gərginlikdən müharibəyə doğru inkişaf edir.

Teleqraf.com xəbər verir ki, Meis adasında hərbi hərəkətlilik hər keçən gün artır.

Yunan əsgərlərinin adanın ən yüksək nöqtəsində qurduğu telsiz radar stansiyası Türkiyə tərəfindən görüntülənib.

Radar stansiyasında 2 yunan əsgərinin fəaliyyəti diqqəti çəkib. Həmçinin adada müşahidə postu qurulub. Başqa bir məqam odur ki, Yunan Sahil Qüvvələri balaca gəmi ilə Meis adasında mövqe tutub.

Xatırladaq ki, avqustun 28-də Yunanıstan Meis adasına hərbçilər toplamağa başlayıb. Meis adası Antalyanın Kaş məntəsindən 2,1, Yunanıstandan isə 580 kilometr uzaqlıqda yerləşir.