Türkmənistan koronavirus pandemiyası səbəbiylə Qazaxıstan və Qırğızıstanda qapalı qalan vətəndaşlarının vətənə qayıtmasını təşkil edir.

KONKRET.az-ın Mərkəzi Asiya ölkələri üzrə bürosu xəbər verir ki, bu haqda məlumatı Oriyent nəşri yayıb.

“30 oktyabr 2020-ci ildə Qazaxıstan Respublikasında müvəqqəti qalan Türkmənistanın 100 vətəndaşı Qarabogaz keçid məntəqəsindən keçərək evlərinə qayıdacaq və Qarabogaz şəhərindəki xəstəxanada iki həftəlik karantinə qoyulacaq”. Mesajda deyilir.

Nəşrin yazdığına görə, Türkmənistanda yaşamaq icazəsi olan 16 Türkmənistan və iki Əfqanıstan vətəndaşı Özbəkistan hava yolu şirkəti ilə Bişkekdən Daşkəndə uçacaq. Bu vətəndaş qrupu 2 noyabr tarixində Daşkənddən Türkmənistan-Özbəkistan sərhədindəki Olot-Farap sərhəd-keçid məntəqəsində Türkmənistan ərazisinə keçərək avtobusa minəcəklər. Gələnlər 14 gün ərzində Lebap bölgəsi rəhbərliyinin yol nəqliyyat şöbəsinin köməkçi binasında təşkil olunmuş karantin mərkəzində yerləşdiriləcək.

Rəsmi rəqəmlərə görə, Türkmənistanda heç bir koronavirus hadisəsi qeydə alınmayıb.