İstanbulun Büyükçəkməcə ilçəsində İran vətəndaşı Zohreh Momeni adlı qadın obyektlərdən birindən asılan Türkiyə bayrağını cıraraq yerə atıb və tapdalayıb.

Axar.az xəbər verir ki, qadının bu hərəkəti ətrafdakıların böyük hiddətinə səbəb olub və onu bu nalayiq davranışına görə cəzalandırmağa cəhd ediblər.

Lakin hadisə yerinə gələn polis əməkdaşları qadını qəzəbli kütlədən qoruyaraq aidiyyəti üzrə təcridxanaya aparıb.

Məlumata görə, Z.Momeni barəsində “Dövlətin suveren rəmzlərini təhqir etmə” maddəsi ilə cinayət işi açılıb və onun yaxın zamanda Türkiyədən deportasiya ediləcəyi gözlənilir.