Türkiyənin Vitse-prezidenti Fuad Oqtay Yunanıstana xəbərdarlıq edib.

Yenicag.az TRT-yə istinadən xəbər verir ki, Fuad Oqtay Yunanıstan və Cənubi Kiprin Türkiyə su sərhədlərini pozacağı təqdirdə cavablarının veriləcəyini qeyd edib:

“Xüsusilə Şərqi Aralıq dənizindən ölkəmizin və Şimali Kipr Türk Cümhuriyyətinin xaric edilməsi cəhdləri ilə nəticəyə varmaq olmaz. Bunu anlamaq istəməyən Yunanıstan və Cənubi Kipr Malta bayraqlı italyan gəmisindən istifadə edərək kontinental şelfə araşdırma gəmisi göndərməyə çalışır. Bir daha söyləyirəm: Aralıq dənizində istiqamətini itirən, çaşan cavabını alacaq”.