“Vaşinqton pulu verməsə, Ankara bu addımı atacaq”
"ABŞ ilə Türkiyə arasındakı F-35 gərginliyi səngimək bilmir. Məsələ ondadır ki, rəsmi Ankara 185 mlrd. dollar verməsinə baxmayaraq, Vaşinqtondan hələ də F-35 qırıcılarını ala bilmir. ABŞ tərəfi isə öz növbəsində Türkiyənin həmin pulla Rusiyanın SU-35 təyyarələrini almasından ehtiyat edərək əvəzində Ankaraya həmin pulla F-16 təklif edir”.

Məsələ ilə bağlı Sfera.az-a açıqlama verən politoloq İlqar Vəlizadə deyib ki, bu məsələdə Türkiyənin mövqeyi və iradları haqlıdır:

"Rəsmi Vaşinqton Türkiyənin strateji müttəfiqi adlandırır, bununla belə ona hələ də güvənmədiyi ortadadır. Ankara bu günə qədər bir dəfə də olsun, Vaşinqtonu yanıltmayıb, buna baxmayaraq ABŞ-ın mövqeyi anlaşılmazdır. İstənilən halda ABŞ müqaviləyə əməl etməli və Türkiyəyə 185 mlrd. dolların qarşılığında F-35 təyyarələrini verməlidir. Yox, əgər bunu istəmirsə, Türkiyənin ödədiyi məbləğ artıqlaması ilə geri qaytarılmalıdır. İstənilən halda Vaşinqton müqavilədə əks olunmayan F-16 məsələsindən istifadə edə bilməz. Ümumiyyətlə, iki ölkə arasında imzalanan konkret müqavilə var və o müqavilədə belə bir bənd yoxdur. Buna görə də Türkiyə haqlı olaraq Vaşinqtona iradları bildirir. ABŞ gec-tez müqaviləyə əməl etməsə, bu Ankara ilə Vaşinqton arasında mövcud F-35 krizini daha da böyüdəcək”.

Politoloqun sözlərinə görə, ABŞ-ın SU-35 narahatlığı yersizdir:

"Ankara bir halda ki, F-35 almaq istəyib nə üçün indi SU-35 alsın? Yəni Türkiyə SU-35-ləri almaq istəsəydi, bunu çox rahat şəkildə edə bilərdi. Vaşinqton vaxtilə bu səhvi "Patriot" raketləri üçün etdi. Türkiyə o zaman da ABŞ-a müraciət etmiş, ABŞ isə Türkiyəyə "Patriot" sistemilərini satmamışdı. Ankarada öz növbəsində S-400 sistemlərini aldı. Bu gün ABŞ Türkiyəyə F-35 təyyarələrini satmasa Ankara da, Rusiya da SU-25 təyyarələri alacaq. Daha doğrusu Vaşinqton Ankaranı buna vadar edəcək”.