Türkiyənin Milli Kəşfiyyat Təşkilatı (MİT) və İstanbul Təhlükəsizlik Müdirliyi tərəfindən keçirilən xüsusi əməliyyat zamanı İran xüsusi xidmət orqanlarının Türkiyədə iranlı müxaliflərin oğurlanması planlarına yardım edən 14 şübhəli saxlanılıb. Bu barədə “Anadolu” xəbər verir.

Məhkəmə saxlanılan şəxslər barəsində (12-si Türkiyə vətəndaşı, 2 İran vətəndaşı) həbs qətimkan tədbiri seçib. Casus şəbəkəsinin daha üç üzvü axtarışa verilib.

Təhlükəsizlik qüvvələrində mənbələrdən verilən məlumata görə, “By Saglam” müdafiə şirkətinin sahibi İhsan Sağlam və onun işçisi, İran vətəndaşı Morteza Soltan Sancarinin iranlı müxalifətçiləri qanunsuz yolla Türkiyədən çıxarmağa cəhd etdiyi müəyyən edilib.

Sağlam və Səncəri İran kəşfiyyatı adından fəaliyyət göstərən Seyyedmehdi Hosseini və Əli Qəhrəmanikhadjiabaddan müvafiq göstərişlər alıblar.

virtualaz.org