Türkmənistan varis tapdı: Rəqibi ona səs verəcəyini deyir - Komediya
17-02-2022, 09:47
Türkmənistanda hakimiyyətin atadan oğula ötürülməsi prosesi son mərhələyə qədəm qoydu, Sərdar Berdiməhəmmədov ölkə prezidenti olacaq.
Yenipress.az xəbər verir ki, bu barədə ekspert Natiq Cəfərli qeyd edib.
O bildirib ki, bu gün ona "rəqib" təyin edilib:
"Seçki”də rəqib də olmalıdır axı! Çox axtarandan sonra Marıy rayonunun icra başçısının müavini Ağacan Bekmuradovu tapıb namizəd etdilər. Sən demə, "rəqib" seçərkən əsas kriterya var imiş: boyu Sərdardan balaca olmalı imiş. Türkmənistan MSK-sı Ağacan bəyin namizədliyini qeydə alıb və ona sual veriblər ki, seçkilərdən nə gözləyirsın? O da deyib ki, özüm, ailəm, qohumlarım, bütün xalq Sərdar Berdiməhəmmədova səs verəcəyik, ona eşq olsun, o ölkənin yeni günəşi olacaq!”
Qeyd edək ki, Türkmənistanda prezident seçkisi 12 martda keçiriləcək. Hakim Demokrat Partiyasının növbədənkənar prezident seçkilərində namizədi Prezident Qurbanqulu Berdiməhəmmədovun oğlu Serdar Berdiməhəmmədovdur.