Türkiyə Silahlı Qüvvələri Suriya torpaqlarına zərbələr endirib.

Axar.az xəbər verir ki, bu barədə Kilis valisi Süleyman Tapsız məlumat verib.

Tapsız açıqlamasında TSQ-nın Suriyadan atılan mərmilərin yerlərini təsbit etdiyini və cavab zərbələrinin endirildiyini vurğulayıb.

Kilis valisi Süleyman Tapsız Suriya tərəfindən atılan raketlər nəticəsində yaralanan vətəndaşları xəstəxanada ziyarət edib.

Qeyd edək ki, bu gün Suriyadan atılan mərmilərin Türkiyəyə düşməsi nəticəsində 4 nəfər həyatını itirib, 6-sı isə yaralanıb.