Türkiyə Silahlı Qüvvələri Suriyadan atılan raket zərbələrini dayandırmaq üçün quru əməliyyatına hazırlaşır.

Axar.az xəbər verir ki, bölgədəki hərbi qaynaqlar Baş Qərargahda əməliyyat planı hazırlandığını, yaxın günlərdə Suriyanın Türkiyə ilə sərhəd ərazilərinə qoşun yeridiləcəyini bildirib.

“Suriyada əməliyyatlara başlamaq üçün bütün hazırlıqlar yekunlaşıb”, - hərbi mənbələrdən məlumat verilib.

“Yeni Şəfəq” qəzetinin məlumatına görə, hökumət müvafiq əmrlər verib və İŞİD-ə qarşı zəruri hazırlıq tədbirləri tamamlanıb. Kilis və digər ərazilər raket atəşinə tutularsa, 3 günlük hərbi əməliyyat planı gerçəkləşəcək.

Plana əsasən, terrorçular tamamilə Türkiyə sərhdindən Suriyanın cənubuna və digər ərazilərə qovulacaq. Bir sıra iri yaşayış məntəqələrinin də terrorçulardan azad edilməsi istisna olunmur.

Qeyd edək ki, terrorçular son günlərdə Kilis və digər əraziləri raket zərbələri ilə atəşə tutublar. Hadisə nəticəsində onlarla mülki şəxs həlak olub, binalara ciddi ziyan dəyib.