Ərdoğanla Putinin görüşəcəyi xəbəri dəqiqləşdi
“Deyli Sabah” nəşrinin məlumatına görə, Türkiyənin hakim Ədalət və İnkişaf Partiyası (AKP) gələn həftə ölkə Prezidenti Rəcəb Tayyib Ərdoğanın rusiyalı həmkarı Vladimir Putin ilə görüşmək üçün Rusiyaya səfər edəcəyini bəyan edib. Bu barədə açıqlamanı partiyanın təmsilçisi Ömər Çelik verib.

Qeyd edək ki, “Blumberq” agentliyi türkiyəli məmurlara istinadla səfərin 8 sentyabr tarixində baş tutacağını xəbər verib. Nəşrin yazdığına görə, Türkiyə Prezidenti 9-10 sentyabr tarixlərində Dehli şəhərində keçiriləcək G-20 sammitindən əvvəl Rusiyada səfərdə olacaq.

Prezident Ərdoğanla Putinin görüşü zamanı Qara dəniz taxıl razılaşmasının bərpası məsələsi gündəlikdə olacaq.