Türkiyədə meşə yanğınları 5 dəfə artdı
23-06-2024, 00:05
Türkiyədə 2024-cü ilin iyun ayı ərzində baş verən yanğınlar ötən il ilə müqayisədə 5 dəfə artıb.
Bu barədə “Anadolu” agentliyi məlumat yayıb.
Bildirilib ki, yüksək temperaturun müşahidə olunduğu 1-21 iyun tarixlərində Türkiyənin bir çox bölgəsində 399 meşə yanğını qeydə alınıb. Ötən ilin müvafiq dövründə isə 84 meşə yanğını baş verib.
Eyni zamanda ötən il 41 hektar ərazinin yanğından zərər çəkdiyi halda, cari ildə 2548 hektar meşə ərazisinə ziyan dəydiyi vurğulanıb.
Yanğınlara səbəb kimi yüksək temperaturdan bitki örtüyünün daha erkən vaxtda quruması göstərilir.
axar
