İranda 14-cü prezident seçkisi üçün Türkiyənin yeddi şəhərində səkkiz seçki məntəqəsi təşkil olunacaq.

Bu barədə İranın Ankaradakı səfirliyi məlumat yayıb.

“İran İslam Respublikasının 14-cü prezident seçkisinin 2024-cü il 28 iyun tarixində keçirilməsi ilə eyni vaxtda, həmvətənlərimizin seçkidə iştirakını asanlaşdırmaq məqsədilə Ankara, İstanbul, Ərzurum, Trabzon, İzmir, Antalya və Van şəhərlərində seçki məntəqələrinin açılması nəzərdə tutulur”, – səfirlikdən bildirilib.