Suriyada siyasi keçidlə bağlı işlər davam etdirilir və Astana-Cenevrə proseslərini bir-birinə daha da yaxınlaşdırmağa cəhd edirik.

Axar.az xəbər verir ki, bu barədə Türkiyə Prezidenti Rəcəb Tayyib Ərdoğanın Fransaya səfəri ilə bağlı prezident köməkçisi İbrahim Qalın Frans-24-ə açıqlamasında bildirib.

"Astana-Cenevrə proseslərini bir-birinə daha da yaxınlaşdırmağa və bunları BMT-nin nəzarəti altında etməyə çalışırıq. Səfər zamanı bu məsələyə toxunacağıq. İraqdakı təhlükəsizlik şərtləri və terrorizmlə mübarizə kimi digər regional məsələlər də Parisdə masaya yatırılacaq", - Qalın söyləyib.

Qeyd edək ki, Ərdoğan yanvarın 5-də Fransaya səfər edəcək.