Əgər yunanlar Kiprdə türklərin bəsit azlıq statusu ilə kifayətlənəcəyini düşünürlərsə, yanılırlar. Bu, heç bir zaman baş verməyəcək.

Axar.az xəbər verir ki, bu sözləri Türkiyə Xarici İşlər naziri Mövlud Çavuşoğlu Yunanıstan mətbuatına açıqlamasında deyib.

Çavuşoğlu bildirib ki, Türkiyə-Yunanıstan arasında yaşanan problemlərin həlli üçün müəyyən zaman lazımdır:

“Prezident Rəcəb Tayyib Ərdoğanın Yunanıstana səfəri iki ölkə arasında baş verən önəmli hadisə idi. Liderlər görüşdə məsələləri açıq və səmimi şəkildə müzakirə etdilər. Hər iki tərəf səfərdən məmnun qaldı”.