İran İslam Respublikasının prezidenti Həsən Ruhani Türkiyənin xarici işlər naziri Mövlud Çavuşoğlu ilə görüşüb.

Trend-in IRNA agentliyinə istinadən verdiyi məlumata əsasən, tərəflər Suriya böhranının nizamlanması məsələsini müzakirə ediblər, İranın Ankara ilə münasibətləri inkişaf etdirməyə hazır olduğu vurğulanıb.

"Biz regional problemləri həll etmək üçün Türkiyə ilə əməkdaşlığı inkişaf etdirməyə hazırıq”, deyə H.Ruhani vurğulayıb.

Qeyd edək ki, Tehranda səfərdə olan Çavuşoğlu həmçinin iranlı həmkarı Məhəmməd Cavad Zərif ilə də görüşüb. Görüşdə nazirlər Soçidə keçirilmiş Suriya Milli Dialoqu konqresinin nəticələrini müzakirə ediblər.