İstanbul boğazlarında Rusiyaya məxsus "Qızıl-60" və İngiltərəyə məxsus "Enterprise" adlı gəmilər arasında gərginliyin yaşanması ilə bağlı yayılan xəbərlər həqiqəti əks etdirmir.

Axar.az xəbər verir ki, bunu jurnalistlərə açıqlamasında Rusiya Qara dəniz donanmasının rəsmi nümayəndəsi Vyaçeslav Truxaçev söyləyib.

"Bu məlumat həqiqəti əks etdirmir. Qara dəniz donanmasına aid "Qızıl-60" köməkçi gəmisi və Böyük Britaniya donanmasına aid "Enterprise" gəmisi 14 fevralda səhər saatlarında boğazın mərkəzi hissəsində əks istiqamətdən hərəkət ediblər. Onlar arasında təxminən 180 metr məsafə olub. Bu məsafə isə tamamilə normaldır", - Truxaçev qeyd edib.

Qeyd edək ki, daha öncə Rusiyaya məxsus gəminin təhlükəli manevr etdiyi bildirilmişdi.