Türkiyədə sosial şəbəkələrdə terrorçuluğu təbliğ edən 786 nəfər saxlanılıb
19-02-2018, 17:14
"Zeytun budağı" hərbi əməliyyatı başlayandan Türkiyədə sosial şəbəkələrdə terrorçuluğu təbliğ edən 786 nəfər saxlanılıb.
Bu barədə Trend Türkiyə Daxili İşlər Nazirliyinə istinadən məlumat verir.
Qeyd olunur ki, saxlanılanlar arasında PKK terror təşkilatının 16 üzvü də var.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD və YPG terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.
