ABŞ-la Türkiyə arasındakı mexanizm çərçivəsində üç işçi qrupu yaradılacaq.

Axar.az xəbər verir ki, bu barədə məlumatı Türkiyə XİN sözçüsü Hami Aksoy verib.

Aksoy sözügedən istiqamətdə işlərin XİN rəhbərləri səviyyəsində başlayacağını bildirib: "Ən qısa müddətdə qruplar işləməyə başlayacaq, nəticələrini görməyə başlayacağıq. İlk görüşlər XİN rəhbərlərinin iştirakı ilə olacaq".

Qeyd edək ki, Çavuşoğlu-Tillerson görüşündən sonra Türkiyə və ABŞ arasında nəticə verəcək mexanizm yaradılması ilə bağlı birgə bəyanat verilib.