Türkiyənin Dağlıcada mina partlaması zamanı şəhid olmuş əsgərlərinin cənazə törənində çıxış edən baş nazir Əhməd Davudoğlu çıxışı zamanı göz yaşlarını saxlaya bilməyib.

Lent.az-ın Türkiyə KİV-ə istinadən verdiyi xəbərə görə, Ə. Davudoğlu deyib ki, onlar əsgərkən buraya al bayrağı daşıyaraq gəliblər: "İndi o al bayrağa bükülərək köylərinizə, evlərinizə dönürsünüz. Allah şahid olsun, əmanətiniz əmanətimizdir. Bu millətin, bu Vətənin birliyi üçün tökülən hər qanın hesabı sorulacaq. Məkanınız Çanaqqala şəhidlərinin məkanı olsun, Sarıkamış şəhidlərinin məkanı olsun. O məkanı Rəbbim bizə də nəsib eləsin. Allah varlığımızı birliyimizi daim, Vətənimizi baki eləsin".
[media=https://www.youtube.com/watch?t=45&v=PEIncJjpVn8]